5 – Śrī Nakṣatra Sūktam

Em Jyotiṣa, este Sūktam é recitado quando se faz necessária a pacificação dos Nakṣatras que se comportam como maléficos, protegendo a pessoa contra suas influências. Também é utilizado o verso do Janma Nakṣatra da natividade de modo individual para fortalecer sua Lua Natal e providenciar saúde e longevidade. Pode-se utilizar individualmente ou em conjunto os versos deste Sūktam para propósitos específicos.

taittirīya brahmaṇam | aṣṭakam - 3 praśnaḥ - 1

taittirīya saṃhitāḥ | kāṇḍa 3 prapāṭhakaḥ - 5 anuvākam - 1

Kṛttikā

ōṃ ‖ agnirnaḥ' pātu kṛtti'kāḥ | nakṣa'traṃ dēvamiṃ'driyam |

idamā'sāṃ vichakṣaṇam | havirāsaṃ ju'hōtana |

yasya bhānti' raśmayō yasya' kētavaḥ' |

yasyēmā viśvā bhuva'nāni sarvā'' |

sa kṛtti'kābhirabhisaṃvasā'naḥ |

agnirnō' dēvassu'vitē da'dhātu ‖ 1 ‖

Rohiṇī

prajāpa'tē rōhiṇīvē'tu patnī'' |

viśvarū'pā bṛhatī chitrabhā'nuḥ |

sā nō' yajñasya' suvitē da'dhātu |

yathā jīvē'ma śaradassavī'rāḥ |

rōhiṇī dēvyuda'gātpurastā''t |

viśvā' rūpāṇi' pratimōda'mānā |

prajāpa'tigṃ haviṣā' vardhayaṃ'tī |

priyā dēvānāmupa'yātu yajñam ‖ 2 ‖

Mṛgāśirṣā

sōmō rājā' mṛgaśīrṣēṇa āgann' |

śivaṃ nakṣa'traṃ priyama'sya dhāma' |

āpyāya'mānō bahudhā janē'ṣu |

rētaḥ' prajāṃ yaja'mānē dadhātu |

yattē nakṣa'traṃ mṛgaśīrṣamasti' |

priyagṃ rā'jan priyata'maṃ priyāṇā''m |

tasmai' tē sōma haviṣā' vidhēma |

śanna' ēdhi dvipadē śaṃ chatu'ṣpadē ‖ 3 ‖

Ārdrā

ārdrayā' rudraḥ pratha'mā na ēti |

śrēṣṭhō' dēvānāṃ pati'raghniyānā''m |

nakṣa'tramasya haviṣā' vidhēma |

mā naḥ' prajāgṃ rī'riṣanmōta vīrān |

hēti rudrasya pari'ṇō vṛṇaktu |

ārdrā nakṣa'traṃ juṣatāgṃ havirnaḥ' |

pramuṃchamā'nau duritāni viśvā'' |

apāghaśagṃ' sannudatāmarā'tim | ‖ 4‖

Punarvasu

puna'rnō dēvyadi'tispṛṇōtu |

puna'rvasūnaḥ punarētāṃ'' yajñam |

puna'rnō dēvā abhiyaṃ'tu sarvē'' |

punaḥ' punarvō haviṣā' yajāmaḥ |

ēvā na dēvyadi'tiranarvā |

viśva'sya bhartrī jaga'taḥ pratiṣṭhā |

puna'rvasū haviṣā' vardhayaṃ'tī |

priyaṃ dēvānā-mapyē'tu pāthaḥ' ‖ 5‖

Puṣya

bṛhaspatiḥ' prathamaṃ jāya'mānaḥ |

tiṣyaṃ' nakṣa'tramabhi samba'bhūva |

śrēṣṭhō' dēvānāṃ pṛta'nāsujiṣṇuḥ |

diśō'nu sarvā abha'yannō astu |

tiṣyaḥ' purastā'duta ma'dhyatō naḥ' |

bṛhaspati'rnaḥ pari'pātu paśchāt |

bādhē'tāṃdvēṣō abha'yaṃ kṛṇutām |

suvīrya'sya pata'yasyāma ‖ 6 ‖

Āśleṣā

idagṃ sarpēbhyō' havira'stu juṣṭam'' |

āśrēṣā yēṣā'manuyanti chētaḥ' |

yē aṃtari'kṣaṃ pṛthivīṃ kṣiyanti' |

tē na'ssarpāsō havamāga'miṣṭhāḥ |

yē rō'chanē sūryasyāpi' sarpāḥ |

yē divaṃ' dēvīmanu'saṃcharaṃ'ti |

yēṣā'maśrēṣā a'nuyanti kāmam'' |

tēbhya'ssarpēbhyō madhu'majjuhōmi ‖ 7 ‖

Maghā

upa'hūtāḥ pitarō yē maghāsu' |

manō'javasassukṛta'ssukṛtyāḥ |

tē nō nakṣa'trē havamāga'miṣṭhāḥ |

svadhābhi'ryajñaṃ praya'taṃ juṣantām |

yē a'gnidagdhā yē'na'gnidagdhāḥ |

yē''mullōkaṃ pitaraḥ' kṣiyanti' |

yāg-ścha' vidmayāgṃ u' cha na pra'vidma |

maghāsu' yajñagṃ sukṛ'taṃ juṣantām ‖ 8‖

P.Phālgunī

gavāṃ patiḥ phalgu'nīnāmasi tvam |

tada'ryaman varuṇamitra chāru' |

taṃ tvā' vayagṃ sa'nitāragṃ' sanīnām |

jīvā jīva'ntamupa saṃvi'śēma |

yēnēmā viśvā bhuva'nāni sañji'tā |

yasya' dēvā a'nusaṃyanti chētaḥ' |

aryamā rājā'jarastu vi'ṣmān |

phalgu'nīnāmṛṣabhō rō'ravīti ‖ 9 ‖

U.Phālgunī

śrēṣṭhō' dēvānāṃ'' bhagavō bhagāsi |

tattvā' viduḥ phalgu'nīstasya' vittāt |

asmabhyaṃ' kṣatramajaragṃ' suvīryam'' |

gōmadaśva'vadupasannu'dēha |

bhagō'ha dātā bhaga itpra'dātā |

bhagō' dēvīḥ phalgu'nīrāvi'vēśa |

bhagasyēttaṃ pra'savaṃ ga'mēma |

yatra' dēvaissa'dhamādaṃ' madēma | ‖ 10 ‖

Hastā

āyātu dēvassa'vitōpa'yātu |

hiraṇyayē'na suvṛtā rathē'na |

vahan, hastagṃ' subhagṃ' vidmanāpa'sam |

prayachChaṃ'taṃ papu'riṃ puṇyamachCha' |

hastaḥ praya'chCha tvamṛtaṃ vasī'yaḥ |

dakṣi'ṇēna prati'gṛbhṇīma ēnat |

dātāra'madya sa'vitā vi'dēya |

yō nō hastā'ya prasuvāti' yajñam ‖11 ‖

Citrā

tvaṣṭā nakṣa'tramabhyē'ti chitrām |

subhagṃ sa'saṃyuvatigṃ rācha'mānām |

nivēśaya'nnamṛtānmartyāg'ścha |

rūpāṇi' pigṃśan bhuva'nāni viśvā'' |

tannastvaṣṭā tadu' chitrā vicha'ṣṭām |

tannakṣa'traṃ bhūridā a'stu mahyam'' |

tannaḥ' prajāṃ vīrava'tīgṃ sanōtu |

gōbhi'rnō aśvaissama'naktu yajñam ‖ 12 ‖

Svātī

vāyurnakṣa'tramabhyē'ti niṣṭyā''m |

tigmaśṛṃ'gō vṛṣabhō rōru'vāṇaḥ |

samīrayan bhuva'nā mātariśvā'' |

apa dvēṣāgṃ'si nudatāmarā'tīḥ |

tannō' vāyastadu niṣṭyā' śṛṇōtu |

tannakṣa'traṃ bhūridā a'stu mahyam'' |

tannō' dēvāsō anu'jānantu kāmam'' |

yathā tarē'ma duritāni viśvā'' ‖ 13 ‖

Viśākhā

dūramasmachChatra'vō yantu bhītāḥ |

tadiṃ'drāgnī kṛ'ṇutāṃ tadviśā'khē |

tannō' dēvā anu'madantu yajñam |

paśchāt purastādabha'yannō astu |

nakṣa'trāṇāmadhi'patnī viśā'khē |

śrēṣṭhā'vindrāgnī bhuva'nasya gōpau |

viṣū'chaśśatrū'napabādha'mānau |

apakṣudha'nnudatāmarā'tim | ‖ 14 ‖

Pūrṇimā

pūrṇā paśchāduta pūrṇā purastā''t |

unma'dhyataḥ pau''rṇamāsī ji'gāya |

tasyāṃ'' dēvā adhi'saṃvasaṃ'taḥ |

uttamē nāka' iha mā'dayantām |

pṛthvī suvarchā' yuvatiḥ sajōṣāḥ'' |

paurṇamāsyuda'gāchChōbha'mānā |

āpyāyayaṃ'tī duritāni viśvā'' |

uruṃ duhāṃ yaja'mānāya yajñam |

Anurādhā

ṛddhyāsma' havyairnama'sōpasadya' | 

mitraṃ dēvaṃ mi'tradhēyaṃ' nō astu | 

anūrādhān, haviṣā' vardhayaṃ'taḥ | 

śataṃ jī'vēma śaradaḥ savī'rāḥ | 

chitraṃ nakṣa'tramuda'gātpurastā''t | 

anūrādhā sa iti yadvada'nti | 

tanmitra ē'ti pathibhi'rdēvayānaiḥ'' | 

hiraṇyayairvita'tairaṃtari'kṣē ‖ 16 ‖

Jyeṣṭhā

indrō'' jyēṣṭhāmanu nakṣa'tramēti | 

yasmi'n vṛtraṃ vṛ'tra tūryē' tatāra' | 

tasmi'nvaya-mamṛtaṃ duhā'nāḥ | 

kṣudhaṃ'tarēma duri'tiṃ duri'ṣṭim | 

purandarāya' vṛṣabhāya' dhṛṣṇavē'' | 

aṣā'ḍhāya saha'mānāya mīḍhuṣē'' | 

indrā'ya jyēṣṭhā madhu'madduhā'nā | 

uruṃ kṛ'ṇōtu yaja'mānāya lōkam | ‖ 17 ‖

Mūla

mūlaṃ' prajāṃ vīrava'tīṃ vidēya | 

parā''chyētu nirṛ'tiḥ parāchā | 

gōbhirnakṣa'traṃ paśubhissama'ktam | 

aha'rbhūyādyaja'mānāya mahyam'' | 

aha'rnō adya su'vitē da'dātu | 

mūlaṃ nakṣa'tramiti yadvada'nti | 

parā'chīṃ vāchā nirṛ'tiṃ nudāmi | 

śivaṃ prajāyai' śivama'stu mahyam'' ‖ 18 ‖

P.Ashāḍhā

yā divyā āpaḥ paya'sā sambabhūvuḥ | 

yā aṃtari'kṣa uta pārthi'vīryāḥ | 

yāsā'maṣāḍhā a'nuyanti kāmam'' | 

tā na āpaḥ śagg syōnā bha'vantu | 

yāścha kūpyā yāścha' nādyā''ssamudriyāḥ'' | 

yāścha' vaiśantīruta prā'sachīryāḥ | 

yāsā'maṣāḍhā madhu' bhakṣaya'nti | 

tā na āpaḥ śagg syōnā bha'vantu ‖19 ‖

U.Ashāḍhā

tannō viśvē upa' śṛṇvantu dēvāḥ | 

tada'ṣāḍhā abhisaṃyaṃ'tu yajñam | 

tannakṣa'traṃ prathatāṃ paśubhyaḥ' | 

kṛṣirvṛṣṭiryaja'mānāya kalpatām | 

śubhrāḥ kanyā' yuvataya'ssupēśa'saḥ | 

karmakṛta'ssukṛtō' vīryā'vatīḥ | 

viśvā''n dēvān, haviṣā' vardhayaṃ'tīḥ | 

aṣāḍhāḥ kāmamupā'yantu yajñam ‖ 20 ‖

Abhijit

yasmin brahmābhyaja'yatsarva'mētat | 

amuñcha' lōkamidamū'cha sarvam'' | 

tannō nakṣa'tramabhijidvijitya' | 

śriyaṃ' dadhātvahṛ'ṇīyamānam | 

ubhau lōkau brahma'ṇā sañji'tēmau | 

tannō nakṣa'tramabhijidvicha'ṣṭām | 

tasmi'nvayaṃ pṛta'nāssañja'yēma | 

tannō' dēvāsō anu'jānantu kāmam'' ‖ 21 ‖

Śravaṇa

śṛṇvanti' śrōṇāmamṛta'sya gōpām | 

puṇyā'masyā upa'śṛṇōmi vācham'' | 

mahīṃ dēvīṃ viṣṇu'patnīmajūryām | 

pratīchī' mēnāgṃ haviṣā' yajāmaḥ | 

trēdhā viṣṇu'rurugāyō vicha'kramē | 

mahīṃ divaṃ' pṛthivīmaṃtari'kṣam | 

tachChrōṇaitiśrava'-ichChamā'nā | 

puṇyagg ślōkaṃ yaja'mānāya kṛṇvatī ‖ 22 ‖

Dhaniṣṭhā

aṣṭau dēvā vasa'vassōmyāsaḥ' | 

chata'srō dēvīrajarāḥ śravi'ṣṭhāḥ | 

tē yajñaṃ pāṃ''tu raja'saḥ purastā''t | 

saṃvatsarīṇa'mamṛtagg' svasti | 

yajñaṃ naḥ' pāntu vasa'vaḥ purastā''t | 

dakṣiṇatō''bhiya'ntu śravi'ṣṭhāḥ | 

puṇyannakṣa'tramabhi saṃvi'śāma | 

mā nō arā'tiraghaśagṃsā'gann' ‖ 23 ‖

Śatabhiṣā

kṣatrasya rājā varu'ṇō'dhirājaḥ | 

nakṣa'trāṇāgṃ śatabhi'ṣagvasi'ṣṭhaḥ | 

tau dēvēbhyaḥ' kṛṇutō dīrghamāyuḥ' | 

śatagṃ sahasrā' bhēṣajāni' dhattaḥ | 

yajñannō rājā varu'ṇa upa'yātu | 

tannō viśvē' abhi saṃya'ntu dēvāḥ | 

tannō nakṣa'tragṃ śatabhi'ṣagjuṣāṇam | 

dīrghamāyuḥ prati'radbhēṣajāni' ‖ 24 ‖

P.Bhādrapadā

aja ēka'pāduda'gātpurastā''t | 

viśvā' bhūtāni' prati mōda'mānaḥ | 

tasya' dēvāḥ pra'savaṃ yaṃ'ti sarvē'' | 

prōṣṭhapadāsō' amṛta'sya gōpāḥ | 

vibhrāja'mānassamidhā na ugraḥ | 

ā'ntari'kṣamaruhadagandyām | 

tagṃ sūryaṃ' dēvamajamēka'pādam | 

prōṣṭhapadāsō anu'yanti sarvē'' ‖ 25 ‖

U.Bhādrapadā

ahi'rbudhniyaḥ pratha'mā na ēti | 

śrēṣṭhō' dēvānā'muta mānu'ṣāṇām | 

taṃ brā''hmaṇāssō'mapāssōmyāsaḥ' | 

prōṣṭhapadāsō' abhira'kṣanti sarvē'' | 

chatvāra ēka'mabhi karma' dēvāḥ | 

prōṣṭhapadā sa iti yān, vada'nti | 

tē budhniyaṃ' pariṣadyagg' stuvantaḥ' | 

ahigṃ' rakṣanti nama'sōpasadya' ‖ 26 ‖

Revatī

pūṣā rēvatyanvē'ti panthā''m | 

puṣṭipatī' paśupā vāja'bastyau | 

imāni' havyā praya'tā juṣāṇā | 

sugairnō yānairupa'yātāṃ yajñam | 

kṣudrān paśūn ra'kṣatu rēvatī' naḥ | 

gāvō' nō aśvāgṃ anvē'tu pūṣā | 

annagṃ rakṣaṃ'tau bahudhā virū'pam | 

vājagṃ' sanutāṃ yaja'mānāya yajñam ‖ 27 ‖

Aśvinī

tadaśvinā'vaśvayujōpa'yātām |

śubhaṃgami'ṣṭhau suyamē'bhiraśvaiḥ'' |

svaṃ nakṣa'tragṃ haviṣā yajaṃ'tau |

madhvāsampṛ'ktau yaju'ṣā sama'ktau |

yau dēvānāṃ'' bhiṣajau'' havyavāhau |

viśva'sya dūtāvamṛta'sya gōpau |

tau nakṣatraṃ jujuṣāṇōpa'yātām |

namō'śvibhyāṃ'' kṛṇumō'śvayugbhyā''m ‖ 28 ‖

Bharaṇī

apa' pāpmānaṃ bhara'ṇīrbharantu | 

tadyamō rājā bhaga'vān, vicha'ṣṭām | 

lōkasya rājā' mahatō mahān, hi | 

sugaṃ naḥ panthāmabha'yaṃ kṛṇōtu | 

yasminnakṣa'trē yama ēti rājā'' | 

yasmi'nnēnamabhyaṣiṃ'chanta dēvāḥ | 

tada'sya chitragṃ haviṣā' yajāma | 

apa' pāpmānaṃ bhara'ṇīrbharantu ‖ 29 ‖

Kṛṣṇa Caturdaśī

nivēśa'nī saṃgama'nī vasū'nāṃ viśvā' rūpāṇi vasū''nyāvēśaya'ntī | 

sahasrapōṣagṃ subhagā rarā'ṇā sā na āganvarcha'sā saṃvidānā |

Amaāvāsya

yattē' dēvā ada'dhurbhāgadhēyamamā'vāsyē saṃvasaṃ'tō mahitvā | 

sā nō' yajñaṃ pi'pṛhi viśvavārē rayinnō' dhēhi subhagē suvīram'' ‖ 30 ‖

ōṃ śāntiḥ śāntiḥ śāntiḥ' |